مرحبا
في شهر يوليو كان لنا موعد مع اسبوع الموضة لملابس السهره في باريس
للموسم الحالي خريف شتاء ٢٠١٦
ايش قدمو المصممين واشهر دور العرض من تصاميم هالسنه !!
وايش الجديد في هالموسم !!
وايش اللي كان طاغي على تصاميم هالسيزون !!
اجابه كل هالاسئلة حتلاقوها بهالبوست
اي نو الرفيو طول هالمره بس
Better Late Than Never
🙈
مرحبا كيفكم
كثير يحب تكون اطلالته عالموضه ويتسائل كل مادخلنا موسم ايش الدارج في هالموسم
ولاحظت من اكثر الفيوز لمواضيعي المواضيع اللي تكون من هالنوع
سو في هالبوست راح اتكلم عن ايش الدارج في موسم خريف شتاء ٢٠١٥
واهم القطع اللي لازم قطعه عالاقل تكون موجوده في دولابك هالموسم
بالنسبه لالوان الموسم سبق وتكلمت عنها ببوست منفصل هنا لو حابين تاخذو فكره
موضوع التريند في السنوات الاخيره قاعد بيرجعنا لسنين ورا، كل اللي دارج قطع وترندز سبق وشفناها في السبعينات والثمانينات
وهالشي دايم يخليني اقول لا تتخلصي من قطعه بمجرد ان راحت موضتها خليها لين ترجع موضتها من جديد
لو تجلسي جلسة مع امك وتخليها توريكي القطع اللي محتفظه فيها من سنين حتلاقي قطع كثير منها الان دارجة
مرحبا كيفكم
بشكل رسمي نقدر نقول اننا بفصل الخريف الفصل اللي نسمع عنه فقط
دائما بهالوقت او بالاحرى من نهاية شهر سبتمبر من كل سنه تبدأ الاسواق والمحلات ومواقع الشراء تتغير وتتجدد بـ ألوان وقطع استعدادا لموسم جديد موسم الخريف والشتاء
وتبدأ الهاي براند تطلق حملات اعلانيه لمجموعتها لهالموسم واللي سبق شفناها عالرنوي في شهر فبراير في اسبوع الموضه لموسم الخريف والشتاء
بهالبوست راح اطلعكم على الالوان الرسمية لموسم الخريف والشتاء هالسنه
ماحبيت يكون البوست عبارة عن ريبورت و تعداد للالوان فقط
حبيت اختصر عليكم عناء البحث عن قطع واخترت لكم مجموعة لكل لون بالاضافه لاقتراحات مختلفه
تضمنتها اختياراتي لكيف ممكن تعتمدي هالالوان في اطلالتك في هالموسم
سواء عن طريق جاكيت او تنوره او شنطة او كعب او سكارف او حتى لو اقتصر على مناكير
H&M x Balmain Collabration / ثمرة التعاون بين اتش اند ام وبالمان
By Mixnmaatch - 9:52 AM
مرحبا
زي منتو عارفين كل سنه H&M تنزل مجموعة خاصة بالتعاون مع مصمم وبراند عالميين
ووقع الخيار لسنه ٢٠١٥ على Balmain
حقيقي اكثر تعاون اتحمست له ومن الان حاطه ليست بالاشياء اللي حبيتها وودي فيها
بس ان شاء اقدر الحقها قبل لاتسير سولد اوت في غمضة عين
بس ان شاء اقدر الحقها قبل لاتسير سولد اوت في غمضة عين
خبر هالتعاون نزل من اول وسبق نزلت عنه بوست بالانستقرام وسبق وشفنا Jourdan Dunn & Gigi Hadid & Kendall Jenner
ظهرو باطلالات حصرية من هالمجموعة ترويجا لها
ظهرو باطلالات حصرية من هالمجموعة ترويجا لها
مرحبا
بهالبوست راح اتكلم عن اسبوع الموضه في ميلان بما اني مانزلت اي شي عنه بالانستقرام بحكم انشغالي قلت اعوضكم ببوست كامل عن اهم العروض اللي سارت فيه لموسم ربيع صيف ٢٠١٦ , ايش عجبني وايش ماعجبني
اسبوع ميلان من الاسابيع اللي استمتع وانا اتفرج عالعروض اللي فيه احسه كذا ينعشني بعد هدوء وسكون لندن
واعتبره هو وباريس من احلى اسابيع الموضة كفاية ان اهم الهاي براند تعرض مجموعاتهم فيهم مثل gucci , dolce& gabban , fendi , chanel , dior ...والخ ، يعني الحبايب كلهم مجتمعيين 😅
حديثي عن هالاسبوع ممكن يطول .. فاذ كنتي مشغوله قفلي البوست وارجعيله وقت ثاني تكوني فيه رايقة وفاضيه .. اما اذ كنتي في ساعه استكنان ورواقه فأحب اقلك 🌹Enjoy
اذ كنتي مهتمه بهالمواضيع شيكي على تدويناتي السابقه عن اسابيع الموضة
نيويورك ، لندن ، سلسله الريفيوهات السريعه
قدم المصمم karl lagerfeld في اسبوع الموضة في ميلان مجموعته لدار فندي
لموسم ربيع صيف ٢٠١٦
طبعاً مو شي جديد على فندي انها تكون من ضمن العروض المفضله عندي
لازم كل سنه يسوو شي يأسرني
هالسنه حبيت الستريبس الجديده واللي حتنضاف لباقي مجموعة اكسسوارات الشنط (مادري لمتى حيستمرو يعذبوني )
كمان حبيت التفاصيل هذه اللي كانت طاغيه عالمجموعة كلها
المهم ماحطول بالحكي شوفو المجموعة ومتعو ناظريكم
كيفكم ايش اخباركم
عرضت Dolce & Gabbana مجموعتها لربيع صيف ٢٠١٦ للملابس الجاهزه في اسبوع الموضة في ميلان
واللي عودتنا انها تبهرنا بثيم مختلف كل موسم تقدم مجموعتها من خلاله ، هالمره اخذونا المصممين من خلال عرضهم
لرحله سياحية تعريفيه بـ ايطاليا واشهر المعالم الموجوده فيها
حقيقي عجزت امل من العرض شفته اكثر من مره وكنت مستمتعه بالجو كني حاضره معهم
عيشوني الاجواء السياحية بادق التفاصيل ..
عروض شانيل من العروض اللي اعتبرها غير تقليديه
لانها مابتعرضلك مجموعه وخلاص ... تعيشك معاها كل موسم اجواء مختلفه
والشغل اللي بيشتغلو المصمم karl lagerfeld على صاله العرض مايقل اهمية عن المجموعة اللي بيقدمها.
اخذنا في مواسم قبل لـ
Chanel Art ( مجموعة ربيع صيف ٢٠١٤ للملابس الجاهزه )
Chanel Market ( مجموعة خريف شتاء ٢٠١٤ للملابس الجاهزه )
Chanel Street ( مجموعة ربيع صيف ٢٠١٥ للملابس الجاهزه )
Chanel Restaurant ( مجموعة خريف شتاء ٢٠١٥ للملابس الجاهزه )
وجا هالموسم اخذنا برحلة ساحره على خطوط شانيل للطيران Chanel Airlines ،،
بالله ماتحمستو تسافرو مع شانيل بعد هالعرض !!! انا كان ودي يرسلولي طياره علشان احضر العرض 😢❤️
يلا اخليكم مع اجواء المطارات والسفر ومجموعة شانيل لربيع صيف ٢٠١٦
عرض بالمان من العروض المنتظره عند الكل في اسبوع الموضة في باريس وانا اولهم
احب ابداع المصمم Olivier Rousteing وابتكاره ولمساته عالتصاميم وهالشي اللي يخليني انتظر كل سيزون ايش راح يقدم
رغم اني وصلت لمرحله سرت لما اشوف تصاميمه اتخيل كيم لابستها ولا امها او حتى وحده من اخواتها
من العلاقة الوطيده اللي تجمعهم بالمصمم
والمشكله مو كل اطلالاتهم من عنده تكون بيرفكت بالعكس احيان تكون سيئه لدرجه اكره التصميم وهو بالاساس يكون عاجبني عالرنوي
"فاغلب النقاد اعتبرو علاقة المصمم اوليفر بعائلة كارديشيان وحضورهم الدائم في عروضه هي اللي زادت من شهرته مؤخرا "
رغم اني وصلت لمرحله سرت لما اشوف تصاميمه اتخيل كيم لابستها ولا امها او حتى وحده من اخواتها
من العلاقة الوطيده اللي تجمعهم بالمصمم
والمشكله مو كل اطلالاتهم من عنده تكون بيرفكت بالعكس احيان تكون سيئه لدرجه اكره التصميم وهو بالاساس يكون عاجبني عالرنوي
"فاغلب النقاد اعتبرو علاقة المصمم اوليفر بعائلة كارديشيان وحضورهم الدائم في عروضه هي اللي زادت من شهرته مؤخرا "
واحد من اكثر العروض انتظارا في الكره الارضيه كلها
واكثر مصمم يسير جدل حوله وحول تصاميمه لان عند البعض تصاميمه وحده مافيها تجديد
بس ايلي يظل ايلي يسحرنا بكل شي يقدمه سواء متشابهه او متجدده
ومتأكده اغلبكم يوافقني الرأي
هالموسم قدم ايلي مجموعة برأي اكثر مجموعة متجدده واشوفها رد للناس اللي ينتقدوه
مجموعة شبابيه كلها حيويه من الالوان للقصات للتصاميم نفسها
اسيبكم تشوفو المجموعة وتستمتعو