اسابيع الموضة لسا مكمله ، من بعد نيويورك وزحمته يجينا لندن والهدوء اللي فيه ونرجع للحياة مع ميلان وننتهى مع رقي واناقه باريس
هذي هي معادلة اسابيع الموضه بالنسبه لي
الاسبوع الماضي كان اسبوع مليء بالعروض والازياء والمفاجئات
نيويورك دائما تعتبر الافتتاحية لاسابيع الموضه بعض الترندات تنطلق في نيويورك ويتكرر ظهورها باقي الاسابيع ، وايضا تعتبر محطه لكل المواهيب الشابه في هالمجال ففي تنوع في العروض والازياء وهالشي اللي يحببني في هالاسبوع
بهالبوست راح اتكلم عن اسبوع الموضه في ميلان بما اني مانزلت اي شي عنه بالانستقرام بحكم انشغالي
قلت اعوضكم ببوست كامل عن اهم العروض اللي سارت فيه لموسم ربيع صيف ٢٠١٦ , ايش عجبني وايش ماعجبني
اسبوع ميلان من الاسابيع اللي استمتع وانا اتفرج عالعروض اللي فيه احسه كذا ينعشني بعد هدوء وسكون لندن
واعتبره هو وباريس من احلى اسابيع الموضة كفاية ان اهم الهاي براند تعرض مجموعاتهم فيهم مثل gucci , dolce& gabban , fendi , chanel , dior ...والخ ، يعني الحبايب كلهم مجتمعيين 😅
حديثي عن هالاسبوع ممكن يطول .. فاذ كنتي مشغوله قفلي البوست وارجعيله وقت ثاني تكوني فيه رايقة وفاضيه .. اما اذ كنتي في ساعه استكنان ورواقه فأحب اقلك 🌹Enjoy
اذ كنتي مهتمه بهالمواضيع شيكي على تدويناتي السابقه عن اسابيع الموضة
عرض بالمان من العروض المنتظره عند الكل في اسبوع الموضة في باريس وانا اولهم
احب ابداع المصمم Olivier Rousteing وابتكاره ولمساته عالتصاميم وهالشي اللي يخليني انتظر كل سيزون ايش راح يقدم
رغم اني وصلت لمرحله سرت لما اشوف تصاميمه اتخيل كيم لابستها ولا امها او حتى وحده من اخواتها
من العلاقة الوطيده اللي تجمعهم بالمصمم
والمشكله مو كل اطلالاتهم من عنده تكون بيرفكت بالعكس احيان تكون سيئه لدرجه اكره التصميم وهو بالاساس يكون عاجبني عالرنوي
"فاغلب النقاد اعتبرو علاقة المصمم اوليفر بعائلة كارديشيان وحضورهم الدائم في عروضه هي اللي زادت من شهرته مؤخرا "
زي منتو عارفين هالفتره فاشن ويك وعروض وضغط مو طبيعي حاولت قد ماقدر انزل اغلب العروض على حسابي بالانستقرام فيديو ، صور ، تفاصيل ، بحيث يسير مصدر لو كنتي تحبي تتابعي اول باول العروض والديزاينر ومجموعاتهم ، فلو كنتي متابعه دائمه لي ولتغطياتي وحسيتي من جد حسابي يغنيكي انك تدوري تفاصيل وعروض بكل مكان وجامعلك كل شي مرره يفرحني انك تكتبيلي تحت او بالانستقرام
ولو عندك اي اقتراحات او آراء ، في اشياء حابه اني اغيرها او اضافات اضيفها لتغطياتي مره يسعدني تكتبيلي هي برضو
هالبوست راح يكون ملخص لاسبوع الموضة بنيويورك للملابس الجاهزه موسم ربيع/صيف 2016
واهم العروض اللي سارت فيه وايش الاشياء اللي لاحظتها دارجة
يعني اللي مالها خلق ترابط ٢٤ ساعه وتتفرج العروض اول بأول وتحب تاخذ الزبدة وتعرف ايش في جديد هالبوست موجه لها
