كل عام وانتم بخير وعيد اضحى مبارك للجميع
هذا اول بوست بعد اجازة عيد الاضحى واللي كان وقت اسبوع الموضة في لندن وميلان
فطبعا اجازة وعيد واسبوع موضة جدا صعب ، مرره توقيتهم هالسيزون حقيقي سيئ ماكنت اقدر اتابع العروض لايف وللاسف ماكان في وقت اني اكون حاضره ٢٤/ ٢٤ عالانستقرام انقلكم العروض اللي تسير اول باول زي ماني معودتكم
لان زي مانا مشغوله بالعيد والاجازة اكيد انتم كمان مشغولين
فـ إن شاء الله هالبوست راح اتكلم عن ابرز العروض اللي سارت في لندن واللي لفتتني وحسيت لازم تشوفوها معاي
ومنها تعرفو ايش اكثر الاشياء اللي كانت دارجة في الاسبوع وتبدأ تظهر لكم ملامح التريندز لهالسيزون
كتبت بوست سابق عن اسبوع الموضة في نيويورك والتريندز اللي كانت دارجه فيه تلقوه هنا
وتغطيات اكثر عن العروض تلقوها هنا
بالنسبة لـ london fashion week بالعاده مافيه عروض كثير تحمس وزي ما انا اسميه دائما
استراحه محارب لي ولـ اي شخص يومه كله يقضيه في مشاهدة عروض ، يخلص واحد ويبدأ في الثاني
سواء اهتمامه المتابعه فقط او المتابعه والتحرير عن كل شي يسير في اسابيع الموضه
Burberry Prorsum
ابدأ في بيربري لانه يعتبر من اهم العروض اللي تسير في لندن
مجموعتهم لهالموسم برأي كانت اقل ابهارا من مجموعة خريف شتاء ٢٠١٥ ،
ابرز شي كان ملفت فيها بنظري هي الـ belt bag
Emilia Wickstead
مره تعجبني تصاميمها لها بصمه خاصة فيها تجمع بين الفخامه والبساطة في نفس الوقت
Temperley London
من العروض اللي حبيتها هالموسم كان لها طابع البوهو بس على لوكسري شوي
Roksanda
تتميز تصاميمها بالقصاات والديتيلز الغريبه تفكرني بالمصمم delpozo
حركة الكم اللي زي كذا مرره دارجة
Peter Pilotto
I'm sure 100% that Ruffles it back to be one of (SS 2016) trends list
jonathan sanders
تتوقعو الطبعات او الزخرفة الاسلامية ( ISLAMIC PRINT ) تكون من الطبعات التريند الجديده اللي حتدخل عالم البرينت بالاضافه لـ المورد(floral) ، والمخطط (striped) ، والمنقط (polkadot) !!
شفتها كمان بعرض مصمم ثاني غير جوناثان بس حقيقي ناسية مين
Holly Fulton
Art in box bag
----------------------
Hope You Enjoyed
See You Soon
0 comments