عرض بالمان من العروض المنتظره عند الكل في اسبوع الموضة في باريس وانا اولهم
احب ابداع المصمم Olivier Rousteing وابتكاره ولمساته عالتصاميم وهالشي اللي يخليني انتظر كل سيزون ايش راح يقدم
رغم اني وصلت لمرحله سرت لما اشوف تصاميمه اتخيل كيم لابستها ولا امها او حتى وحده من اخواتها
من العلاقة الوطيده اللي تجمعهم بالمصمم
والمشكله مو كل اطلالاتهم من عنده تكون بيرفكت بالعكس احيان تكون سيئه لدرجه اكره التصميم وهو بالاساس يكون عاجبني عالرنوي
"فاغلب النقاد اعتبرو علاقة المصمم اوليفر بعائلة كارديشيان وحضورهم الدائم في عروضه هي اللي زادت من شهرته مؤخرا "
زي منتو عارفين هالفتره فاشن ويك وعروض وضغط مو طبيعي حاولت قد ماقدر انزل اغلب العروض على حسابي بالانستقرام فيديو ، صور ، تفاصيل ، بحيث يسير مصدر لو كنتي تحبي تتابعي اول باول العروض والديزاينر ومجموعاتهم ، فلو كنتي متابعه دائمه لي ولتغطياتي وحسيتي من جد حسابي يغنيكي انك تدوري تفاصيل وعروض بكل مكان وجامعلك كل شي مرره يفرحني انك تكتبيلي تحت او بالانستقرام
ولو عندك اي اقتراحات او آراء ، في اشياء حابه اني اغيرها او اضافات اضيفها لتغطياتي مره يسعدني تكتبيلي هي برضو
هالبوست راح يكون ملخص لاسبوع الموضة بنيويورك للملابس الجاهزه موسم ربيع/صيف 2016
واهم العروض اللي سارت فيه وايش الاشياء اللي لاحظتها دارجة
يعني اللي مالها خلق ترابط ٢٤ ساعه وتتفرج العروض اول بأول وتحب تاخذ الزبدة وتعرف ايش في جديد هالبوست موجه لها
بوست اليوم حتكلم فيه عن الـ (Fashion Forward (FFWD
عن هالايفينت بشكل عام وعن موسمه الخامس بشكل خاص
الفاشن فورورد هو عبارة عن ايفنت او حدث فاشوني شبيه باسابيع الموضه يعتبر فرصة للمواهب الشابة على مستوي الشرق الاوسط انها تعرض تصاميمها ، وهالحدث ماهو مقتصر على عروض ازياء فقط في برضو حلقات حوارية ومتحدثين عالميين ومحليين من شركات، جامعات و كليات تصميم الازياء ، اصحاب مشاريع و بلوقرز بيتكلمو عن تجاربهم ( Fashion Talk )
بالاضافة الى معرض مخصص لمصممين الاكسسوارات والمجوهرات والشنط يعرضو ويبيعو فيه تصاميمهم
